口水怪魔

可以專心做好一件事, 已經是一種幸福

做普通的事, 出普通的結果

今日 , 電話響起, 兩個大學朋友來了科學園, 被他們捉了去飲野。朋友A做sales , 朋友B做科研。

 

朋友A 說他的工作很沉悶 , 但工作時間很自由 , 經常下午兩三點就回家 , 然而他嫌薪水低 , 他直言已感到現在的人工已是極限, 不能再提高。他們都一致同意要尋找額外收入 , 首先講下股票 , 講下講下佢地又覺得好似隻隻都蝕。

 

「如果可以買跌咁就好啦」, 「但沽空要好多錢」

 

「其實可以買put呀」筆者不禁說道。

 

「窩輪? 聽講溢價好勁架, 一買就蝕左 , D 莊好鬼賤…」朋友A和B一唱一和 , 筆者已經知道他們無可能行到這條路 , 於是嘆一口特濃朱古力, 閉咀聽下他們廢up。

 

「咦 , 咁你有沒有找方法開拓另類收入?」筆者冷不防被他們一問 , 連忙推說剛搬了屋 , 無錢剩云云 。 唉 , 唔通同佢地講而家搞緊程式炒期咩 , 他們窩輪和期權都未分得清 , 同他們講期指簡直自挖墳墓 , 有排解釋 , 另外既然未成功筆者也不想為自己添加不必要的壓力。

 

「既然你工作時間咁free , 放工後會做什麼?」筆者為了轉移視線而反問朋友A一句 。「打機囉 , smartphone有些game要同人組隊打 , 有時也會買送煮飯既。」跟著又同朋友B聊三星手機型號。

 

「仲打機? 我們靚仔時代已經打夠啦 , 為什麼不學點東西 , 或者睇下書呢。」筆者不禁納悶。

 

我們要學的東西 , 無理由只限學府 , 要學什麼當然要看自己目標 , 好像朋友A是做sales , 你的口材得唔得? 人際關係/人脈關係如何? 講什麼說話會令人覺得舒服? 經典<<人性的弱點>>睇過未? 如何令人有被專心聆聽的錯覺? 以上所講全都是可以獨立成科的學問 , 如果你以專業sales做目標就一定要識 ; 如果你想行marketing 那邊就要知如何收風 , 如何做data mining等 。

如果你想以投資股票作為目標那起碼要學看年報 , 會計等 , 這都是大學本科以外的東西 , 也是可以獨立成科的科目 , 如用工餘時間去學要花多少時間可想而知 , 仲點會有時間打機? 現在是知識泛濫的年代 , 那麼多經典天書都可以在互聯網上找到 , 樽頸位根本在於時間 , 買本食譜睇下都好過打機啦!

講到股票部分 , 朋友B插了咀 : 「我平時都有花時間睇網上很多的股評…」

 

抄功課 ? 你知不知這條路最終是一條死路 ? 好彩既無蝕無賺得個吉 , 唔好彩既輸身家 。撇除心理等等的因素唔講 , 你覺得上下網睇下資料辛唔辛苦 , 就算俾你睇廿個大師的推介又如何 , 係要時間 , 但根本個個都做到 , 既然人人都做到難道人人都發達 ? 無可能嘛 ! 好像剛才說的期權溢價 , 是有得計 , 平貴有標準 , 有人就是用電腦mon住個溢價來賺錢 , 咁你咪要學期權定價囉 , 然後再學寫program 囉, 很難嗎? 那就對了 , 易既還有你賺的份兒嗎?
 
一係唔學 , 一學就要做到最好 ! 輕輕鬆鬆打下機 , 享受生活的心態我也很響往 , 但我們同樣也要明白做普通人都在做的事 , 自然只有普通的結果 , 事實就是這麼殘酷。

兩個人怔怔的看著我 , 筆者在朋友心目中是一個隨和嘻嘻哈哈的人 , 朋友聚會都只會輕鬆講下笑 , 如此說教絕無僅有 , 更加唔好講我內在投機的性格和對金錢的慾望 , 不知是那一天了解自己後便一直努力至今 , 然而我發覺四周的人大多是只說不做 , 沒有可以傾訴的對象其實也是頗抑壓的。

15 Aug 2013 

 

 

 

 

 

 

, , , , , , ,

發表迴響

你的電子郵件位址並不會被公開。

你可以使用這些 HTML 標籤與屬性: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>